Kwastam ta kona daskararrun kaji na miliyan uku

A ranar Litinin ce rundunar hukumar Kwastom mai kula da gabar tekun Najeriya, ta kona daskararrun kaji na kimanin naira miliyan uku.

Hakanan kuma ta mika wata tabar wiwi ta kimanin naira miliyan 350 ga hukumar da ke hana sha da fataucin miyagun kwayoyi ta kasar, NDLEA.

Haka kuma hukumar ta kama tsofaffin tayoyin mota da dama.

Ganyen wiwin dai an shigo da shi ne daga kasar Ghana, yayin da aka shigo da kajin kuma daga Brazil.

Source: BBC Hausa